Պեկինը և Վաշինգտոնը համաձայնության են եկել տնտեսական և առևտրային մի շարք հարցերի շուրջ

Պեկինը և Վաշինգտոնը օրերս խորհրդակցությունների վերջին՝ ութերորդ փուլի ընթացքում համաձայնության են եկել տնտեսական և առևտրային մի շարք հարցերի շուրջ՝ հայտարարել է Չինաստանի առևտրի նախարարությունը:

Քննարկումների շրջանակում կողմերը նաև անցկացրել են արհեստական բանականության վերաբերյալ իրենց առաջին երկխոսությունը՝ երկկողմ տնտեսական և առևտրային խորհրդակցությունների մեխանիզմի ներքո։ Չինական կողմը սերտ շփումներ կպահպանի ամերիկյան կողմի հետ՝ հավելել է նախարարության խոսնակը:

Չինաստանի նախագահ Սի Ծինփինը եռօրյա պետական այցով Վաշինգտոնում է: Նախագահ Դոնալդ Թրամփի հետ քննարկումների օրակարգում են արհեստական բանականությունը, Իրանի դեմ պատերազմը, Թայվանը և առևտրային հարաբերությունները: