ՎՎարդուհի Հարությունյան

Քննարկեցինք առանցքային հարցեր և Ուկրաինայի կարիքները. Զելենսկին՝ «Պատրաստակամների կոալիցիայի» հանդիպման մասին

Քննարկեցինք առանցքային հարցեր և Ուկրաինայի կարիքները. Զելենսկին՝ «Պատրաստակամների կոալիցիայի» հանդիպման մասին

Բեռլինում մեկնարկել է «Պատրաստակամների կոալիցիայի» հանդիպումը, որին մասնակցում են Ուկրաինայի նախագահ Վոլոդիմիր Զելենսկին, Ֆրանսիայի նախագահ Էմանուել Մակրոնը, Մեծ Բրիտանիայի վարչապետ Էնդի Բըրնհեմը, ԱՄՆ հատուկ բանագնացներ Սթիվ Ուիթքոֆը և Ջարեդ Քուշները։

«Քննարկեցինք առանցքային հարցեր և Ուկրաինայի կարիքները՝ ռուսական «Շահեդ» անօդաչու թռչող սարքերին և հրթիռներին հակազդեցությունը, էներգետիկայի և ենթակառուցվածքների պաշտպանությունը, ինչպես նաև մեր դիվանագիտական գործունեությունը։ Կարևոր է, որ «Պատրաստակամների կոալիցիայի» այսօրվա հանդիպումը և պետությունների ղեկավարների հետ երկկողմ բանակցությունները կոնկրետ արդյունքներ բերեն», – «Տելեգրամի» իր ալիքում գրել է Ուկրաինայի նախագահը։

Զելենսկին հանդիպումից առաջ նշել էր, որ Ուկրաինայի առաջնահերթությունների թվում են հակաօդային պաշտպանության ամրապնդումը, էներգետիկ ոլորտին աջակցությունը և ֆինանսական օգնությունը, դիվանագիտական կարգավորումը, ինչպես նաև պատերազմի ավարտի և անվտանգության ապահովման հետագա քայլերը։

«Անում ենք հնարավոր ամեն ինչ, որպեսզի Եվրոպան բանակցային գործընթացի լիարժեք մասնակից լինի, իսկ հանդիպումները կոնկրետ արդյունքներ բերեն»,- հայտարարել է Ուկրաինայի ղեկավարը։

Բեռլինում «Պատրաստակամների կոալիցիայի» հանդիպման շրջանակում նախատեսված են նաև Զելենսկու երկկողմ հանդիպումները եվրոպացի գործընկերների, այդ թվում՝ Գերմանիայի կանցլեր Ֆրիդրիխ Մերցի հետ։

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում