ԱՄՆ դաշնային դատավորը պարտավորեցրել է Դոնալդ Թրամփի վարչակազմին դադարեցնել նախագահին գովազդող, հարկատուների կողմից ֆինանսավորվող հեռուստագովազդների հեռարձակումը: Որոշումը կայացվել է նոյեմբերի միջանկյալ ընտրությունից ընդամենը մի քանի շաբաթ առաջ, գրում է Euronews-ը։
Կիրակի ԱՄՆ շրջանային դատավոր Ջենիֆեր Ռոշոնը ժամանակավոր արգելքի մասին որոշում է կայացրել, որը թույլ չի տալիս վարչակազմին 14 օրվա ընթացքում պատվիրել կամ հեռարձակել նման գովազդներ: Ամերիկյան ԶԼՄ-ների հաղորդմամբ՝ դրանց վճարման համար վարչակազմն օգտագործել է 20 մլն դոլար՝ ներքին անվտանգության նախարարության միջոցներից:
Սպիտակ տունը գովազդներն անվանել է հանրային ծառայության հայտարարություններ։ Սակայն դրանք արժանացել են երկկուսակցական քննադատության։
Թրամփը, որի անունը չի նշվում նոյեմբերի ընտրության քվեաթերթիկներում, բայց որը քարոզչություն է իրականացնում՝ ձգտելով օգնել հանրապետականներին պահպանելու վերահսկողությունը Կոնգրեսի նկատմամբ, անցյալ շաբաթ հայտարարել է, որ ինքն ու իր նախընտրական շտաբը կվճարեն գովազդների համար:
