Ղազախստանը բանակցություններ է վարում Չինաստանի ազգային ատոմային ընկերության հետ երկրում երկրորդ ատոմակայանի կառուցման հարցով, հայտնել է հանրապետության էներգետիկայի նախարար Եռլան Ակենժենովը:
«Առաջին «Բալխաշ» ԱԷԿ-ը կկառուցվի ռուսական «Ռոսատոմ»-ի հետ։ Երկրորդ «Մոյնկում» ԱԷԿ-ի հարցը ներկայումս քննարկվում է Չինաստանի ազգային ատոմային ընկերության հետ»,- ասել է նա կառավարության ճեպազրույցի ժամանակ։
Ավելի վաղ հաղորդվել էր, որ Ղազախստանում նախատեսվում է մի քանի ատոմակայան կառուցել: Առաջինը՝ «Բալխաշը», կկառուցի «Ռոսատոմը», երկու ատոմային ВВЭР-1200 էներգաբլոկների կառուցման ճանապարհային քարտեզը ստորագրվել է 2025 թվականին։ Կայանի շինարարությունը պետք է սկսվի 2027 թվականին, կավարտվի 2035-2036 թվականներին։
Բալխաշի վրա կկառուցվի նաև 1200 Մվտ հզորությամբ երկու բլոկով երկրորդ ատոմակայանը՝ «Մոյինկումը»։ Չինական CNPC ընկերությունը դիտարկվում է որպես երկրորդ ատոմակայանի կառուցման առաջնային գործընկեր։ Եվս երկու ատոմակայանի կառուցման համար հարթակներն ուսումնասիրվում են։
