Տարածաշրջանային կապակցվածության ծրագրերի իրագործումը, հաղորդուղիների վերականգնումը կնպաստեն, որ Հայաստանի համախառն ներքին արդյունքը շեշտակի աճի:
Սա Համաշխարհային բանկի արձանագրումն է:
Միջազգային հեղինակավոր կառույցի զեկույցը վերաբերում է Անդրկասպյան կամ «Միջին միջանցքի» զարգացման ռազմավարությանը:
Զեկույցն ընդգծում է, որ Հայաստանը ռազմավարական դիրք ունի և տարածաշրջանում իր դերը բարելավելու իրատեսական հնարավորություն:
Համաշխարհային բանկը դրական է գնահատում Հայաստանի կառավարության «Խաղաղության խաչմերուկ» նախագիծը՝ նշելով, որ այն միանգամայն համահունչ է կապակցվածության ռազմավարությանը:
Փաստաթղթում ներկայացվում են 16 ամենանշանակալի ենթակառուցվածքային ներդրումային նախագծերը մինչև 2040 թվականը: Նաև նշվում է, որ մասնակից 9 պետությունները պետք է մինչև 2030 թվականն ավարտեն հիմնական ենթակառուցվածքային և սահմանային նախագծերը:
Հեղինակ՝ Նիկոլայ Ավետիսյան
