Հովիկ Աբրահամյանի խափանման միջոցը փոխվել է. դատախազությունը վճռաբեկ բողոք կներկայացնի
ՀՀ տարածքային կառավարման նախկին նախարար, ԱԺ նախկին նախագահ, ՀՀ նախկին վարչապետ Հովիկ Աբրահամյանի խափանման միջոց տնային կալանքը փոխվել է վարչական հսկողության:
ՀՀ գլխավոր դատախազությունից 1lurer.am-ին փոխանցեցին, որ վճռաբեկ բողոք են ներկայացնելու:
Հիշեցնենք՝ Հովիկ Աբրահամյանը մեղադրվում է մի քանի դրվագով՝ փողերի լվացման, պաշտոնեական լիազորությունները չարաշահելու և ձեռնարկատիրությանը ապօրինի մասնակցելու համար:
Դատարանը որոշել էր մերժել Հովիկ Աբրահամյանին կալանավորելու միջնորդությունը և նրա նկատմամբ որպես խափանման միջոց էր կիրառվել տնային կալանքը։
