Չինաստանի փոխնախագահ Հան Չժենը Թբիլիսի պաշտոնական այցի ժամանակ առանձին հանդիպումներ է անցկացրել Վրաստանի նախագահ Միխեիլ Կավելաշվիլիի և վարչապետ Իրակլի Կոբախիձեի հետ: Կավելաշվիլիի հետ հանդիպմանը Հան Չժենը հիշեցրել է, որ հունիսին Չինաստանը և Վրաստանը հարաբերությունները բարձրացրել են համապարփակ ռազմավարական գործընկերության մակարդակի:
Չինացի պաշտոնյայի խոսքով՝ դա նոր էջ է բացել երկկողմ հարաբերությունների զարգացման համար և նոր խթան հաղորդել տարբեր ոլորտներում համագործակցությանը։
Կոբախիձեի հետ հանդիպմանը Չինաստանի փոխնախագահը նշել է, որ Պեկինը մեծ կարևորություն է տալիս Վրաստանի հետ հարաբերությունների զարգացմանը և պատրաստ է համագործակցել՝ երկու երկրների միջև առևտրի ազատականացման մակարդակը բարձրացնելու ուղղությամբ։
Կոբախիձեն իր հերթին հայտարարել է, որ Վրաստանը պատրաստ է էլ ավելի խորացնել քաղաքական փոխվստահությունը, նոր մակարդակի բարձրացնել առևտրային գործընկերությունը և ամրապնդել համագործակցությունը տարբեր ոլորտներում:
Մանրամասները՝ Սյուզաննա Չրաղյանի ռեպորտաժում:
