Լիլիթ Մակունցը ՀՀ-ում հավատարմագրված մի խումբ դեսպանների ներկայացրել է Ադրբեջանի սադրիչ քայլերը
Հայաստանի Հանրապետությունում հավատարմագրված մի խումբ դեսպանների հետ հանդիպման ընթացքում «Իմ քայլը» խմբակցության ղեկավար Լիլիթ Մակունցը ներկայացրել է վերջին օրերին ՀՀ տարածքային ամբողջականության և ինքնիշխանության դեմ ուղղված Ադրբեջանի քայլերը, Ադրբեջանի զինված ստորաբաժանումների կողմից իրականացվող դիվերսիոն գործողությունները, որոնք պետք է միջազգային հանրության կողմից արժանանան համարժեք արձագանքի: «Արմենպրես»-ին այս մասին հայտնել են ԱԺ «Իմ քայլը» խմբակցությունից:
Լիլիթ Մակունցը շնորհակալություն է հայտնել հստակ դիրքորոշումների, ինչպես նաև որոշ դեսպանների կողմից վերջերս Սյունիք կատարած այցի և իրավիճակը տեղում գնահատելու պատրաստակամության համար։
Լիլիթ Մակունցը ևս մեկ անգամ շեշտել է, որ գերեվարված զինծառայողների վերադարձը և ադրբեջանական զինված ստորաբաժանումների հեռացումը Հայաստանի Հանրապետության տարածքից պետք է լինի անհապաղ ու առանց նախապայմանների։
