ԱՄՆ նախագահ Դոնալդ Թրամփը կասկածում է, որ դեմոկրատները նորից կփորձեն իրեն իմփիչմենթի ենթարկել։
«Ես դա չեմ կարող պատկերացնել։ Նրանք արդեն դա արել են, ինձ երկու անգամ իմփիչմենթ են հայտարարել։ Եվ կան մարդիկ, որոնք ասում են, որ դա աշխատել է իմ օգտին»,- ասել Է Թրամփը CBS News-ի հետ հարցազրույցում։
Նա նաև հայտարարել է, որ պատրաստ է համագործակցել դեմոկրատների հետ՝ առանց նրանց վիրավորելու։
Ինչ վերաբերում է Պենտագոնի ներկայիս ղեկավար Փիթ Հեգսեթի նկատմամբ հնարավոր իմփիչմենթին, Թրամփը դա «անարդար» է անվանել:
«Նրանք ուզում են Հեգսեթին իմփիչմենթ հայտարարել։ Դա շատ անարդար է։ Մենք ունեցել ենք երկու պատերազմ, երկուսն էլ հաղթել ենք, մեկը՝ Վենեսուելայում, մյուսը՝ Իրանում»,- ասել է ԱՄՆ նախագահը։
