2020 թ. փետրվարի 29-ին՝ ժամը 13:40-ին, Մասիս ԲԿ-ից ոստիկանության Մասիսի բաժին ահազանգ է ստացվել, որ Արարատի մարզի Հովտաշատ գյուղի 75-ամյա բնակչուհին իր տանը հանկարծամահ է եղել:
Նախաքննության ընթացքում ձեռնարկված օպերատիվ-հետախուզական և քննչական համատեղ գործողությունների արդյունքում պարզվել է, որ կինը հանկարծամահ չի եղել, այլ 2020 թ. փետրվարի 29-ին՝ ժամը 9-ի սահմաններում, տանը ծագած վիճաբանության ժամանակ, 31-ամյա հարսը գլխաշորով խեղդելու միջոցով սպանել է իր ամուսնու 75-ամյա մորը:
Փաստի առթիվ Արարատի ՄՔՎ Մասիսի քննչական բաժնում ՀՀ քրեական օրենսգրքի 104-րդ (սպանություն) հոդվածի 1-ին մասի հատկանիշով հարուցվել է քրեական գործ:
75-ամյա կնոջը սպանելու կասկածանքով ձերբակալվել է նրա 31-ամյա հարսը:
Նախաքննությունը շարունակվում է:
