ԿԿարմեն Ղուկասյան

2027-ին ատեստավորման գործընթաց կիրականացվի թանգարաններում և գրադարաններում՝ էապես բարձրացնելով այս ոլորտների աշխատակիցների վարձատրությունը․ Անդրեասյան

2027-ին ատեստավորման գործընթաց կիրականացվի թանգարաններում և գրադարաններում՝ էապես բարձրացնելով այս ոլորտների աշխատակիցների վարձատրությունը․ Անդրեասյան

Գիտաշխատողների բազային վարձատրությունը նախորդող շրջանում արդեն իսկ մինչև 300 տոկոսով բարձրացել էր, և սա շարունակական քաղաքականություն է։ Այս մասին խորհրդարանում՝ 2027 թվականի պետական բյուջեի մասին օրենքի նախագծի քննարկման ժամանակ, ասաց ԿԳՄՍ նախարար Ժաննա Անդրեասյանը։

Նրա խոսքով՝ սպորտի ոլորտում ավելի քան 800 մարզիկի և մարզչի խրախուսմանը տարբեր ծրագրերով հաջորդ տարի կհատկացվի շուրջ 2,47 մլրդ դրամ՝ ստեղծելով պայմաններ մարզավիճակի վրա կենտրոնանալու և առաջիկա առաջնություններին ու օլիմպիական խաղերին պատրաստվելու համար։

Անդրեասյանը տեղեկացրեց՝ հաջորդ տարին նշանային կլինի նաև նրանով, որ Կառավարության ծրագրին համահունչ ատեստավորման գործընթաց կիրականացվի նաև թանգարաններում և գրադարաններում՝ էապես բարձրացնելով նաև այս ոլորտների աշխատակիցների վարձատրությունը։

«Թանգարաններում ատեստավորումն արդեն մեկնարկել է, գրադարաններում կիրականացվի 2027-ի առաջին կիսամյակում, և հաջորդ տարվա բյուջեում այդ գումարները պլանավորված են»,- տեղեկացրեց նախարարը։

Անդրեասյանն ընդգծեց՝ կարևոր է, որ ամեն պարագայում մոտեցումը մնում է անփոփոխ՝ վարձատրության բարձրացումը փոխկապակցված է մասնագիտական զարգացման հետ՝ հետևելով Կառավարության ամենակարևոր սկզբունքին՝ կրթությունը մեր ռազմավարությունների ռազմավարությունն է։

Դիտումներ

Այս թեմայի շուրջ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում