ՎՎարդուհի Հարությունյան

Ամեն ինչ անելու ենք, որպեսզի Հայաստանի ու Ադրբեջանի միջև խաղաղության համաձայնագիրը ստորագրվի. Վադեֆուլ

Ամեն ինչ անելու ենք, որպեսզի Հայաստանի ու Ադրբեջանի միջև խաղաղության համաձայնագիրը ստորագրվի. Վադեֆուլ

«Թրամփի ուղու» երկու ուղղությամբ տեխնիկական պարամետրերի համաձայնեցման նպատակով ԱՄՆ-ի նախաձեռնությամբ համատեղ եռակողմ տեխնիկական աշխատանքային խումբ է ստեղծվել, որը նոյեմբերի 6-ին անցել է աշխատանքի՝ հայտարարել է Ադրբեջանի արտգործնախարար Ջեյհուն Բայրամովը Գերմանիայի արտգործնախարար Յոհան Վադեֆուլի հետ հանդիպումից հետո կայացած մամուլի ասուլիսում։ Նրա խոսքով՝ դա վերաբերում է երկաթուղիներին և մայրուղիներին, ինչպես նաև էլեկտրահաղորդման գծերին:

Բայրամովը նաև հայտնել է, որ Ադրբեջանը գործնականում ավարտել է իր տարածքում տրանսպորտային ենթակառուցվածքների, այդ թվում՝ ավտոմոբիլային և երկաթուղային ուղիների շինարարությունը: Աշխատանքը նախատեսվում է ամբողջությամբ ավարտել հաջորդ տարվա սկզբին։

Վադեֆուլն էլ հայտարարել է, որ Գերմանիան ամեն ինչ անելու է Հայաստանի և Ադրբեջանի միջև խաղաղության համաձայնագրի ստորագրման համար։

«Ադրբեջանն ու Հայաստանը օգտվել են պատմական հնարավորությունից Վաշինգտոնում, և մենք շնորհակալ ենք երկու երկրներին դրա համար։ Այդ հարցը կլինի Հայաստանում իմ հանդիպման հիմնական թեման։ Մենք ամեն ինչ անելու ենք, որպեսզի խաղաղության համաձայնագիրը ստորագրվի։ Ադրբեջանի նախագահը նույնպես պատրաստակամություն է հայտնել դրան»,- ասել է Գերմանիայի ԱԳ նախարարը։

Հիշեցնենք, որ Ադրբեջան այցից հետո Վադեֆուլը կժամանի Հայաստան։

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում