Շենժենում Ասիա-խաղաղօվկիանոսյան տնտեսական համագործակցության գագաթնաժողովի շրջանակում հանդիպել են Չինաստանի և Ռուսաստանի նախագահները։ Սի Ծինփինը նշել է, որ երկկողմ հարաբերությունները եղել և մնում են անսասան՝ ցանկացած դժվարության պայմաններում։
«Դրանք ունեն լայն հեռանկարներ և կախված չեն աշխարհում տիրող կարճաժամկետ զարգացումներից։ Մեր հարաբերությունները ավելի մեծ կայունություն և կանխատեսելիություն են հաղորդում քաոսային աշխարհին», - համոզմունք է հայտնել Սին։
Նա ընդգծել է Չինաստան-Ռուսաստան հարաբերությունները խորացնելու և ամրապնդելու կարևորությունը։
«Պատրաստ ենք Ասիա-խաղաղօվկիանոսյան տարածաշրջանի հետ ջանքեր գործադրել՝ հանուն բարգավաճման», - եզրափակել է Սի Ծինփինը։
Վլադիմիր Պուտինն էլ հայտարարել է, որ Ասիա-խաղաղօվկիանոսյան տարածաշրջանին բաժին է ընկնում մոլորակի բնակչության 36 տոկոսը և միջազգային առևտրի 50 տոկոսը։ «Եվ մենք ունենք ընդհանուր նպատակ՝ ապահովել խաղաղությունն ու բարգավաճումն այս տարածաշրջանում։ Մեր երկրների միջև ապրանքաշրջանառությունն էլ գերազանցել է 200 միլիարդի սահմանագիծը», - շեշտել է Կրեմլի ղեկավարը։
Պուտինը հավելել է՝ շարունակում են զարգացնել հարաբերությունները նաև այլ ոլորտներում։ «Աշխարհաքաղաքական բարդ իրավիճակում մենք հավատարիմ ենք ավելի արդար բազմաբևեռ աշխարհակարգի ձևավորմանը», - ավարտել է խոսքը Պուտինը։
2 ժամ տևած բանակցություններից հետո նախագահները շարունակել են շփումը նախաճաշի ընթացքում։Ակնկալվում է, որ նոյեմբերի 19-ին էլ կկայանա Ռուսաստանի, Չինաստանի և ԱՄՆ-ի ղեկավարների առաջին եռակողմ հանդիպումը։ Թե կոնկրետ ինչ թեմաներ են քննարկելու նախագահները, պաշտոնապես չի հայտարարվել։ Կարող են նաև առանձին երկկողմ շփումներ անցկացվել։
Մանրաամասները՝ տեսաշարում:













