ՀՀ էկոնոմիկայի նախարար Գևորգ Պապոյանն այսօր՝ COP17-ի վերջին օրը, այցելել է ՀՀ էկոնոմիկայի նախարարության կանաչ տաղավար։ Այդ մասին տեղեկանում ենք նախարարի Ֆեյսբուքի գրառումից։
«Ինձ տեղեկացրել են, որ համաժողովի 15 օրերի ընթացքում մեր տաղավարն ունեցել է ավելի քան 4 հազար այցելու։ Օտարերկրյա հյուրերի կողմից հնչել են նաև համագործակցության առաջարկներ։
Տաղավարում ավելի քան 30 հայկական ընկերությունների ներկայացուցիչներ հնարավորություն են ունեցել ներկայացնելու իրենց արտադրանքը։ Կազմակերպվել են նաև հայկական արտադրանքի համտեսներ։
Շրջել եմ նաև մյուս տաղավարներով, հանդիպել գործարարների, ծանոթացել նրանց գործունեությանը և պատասխանել նրանց հետաքրքրող հարցերին»,- գրել է Պապոյանը։
