Իսպանիայում Մադրիդն Անդալուսիայի հարավային շրջանի հետ կապող երկաթուղային գծի վրա վթարի հետևանքով զոհերի թիվը հասել է 68-ի: Իշխանությունները զգուշացրել են, որ այդ թիվը կարող է աճել։
Տրանսպորտի նախարար Օսկար Պուենտեն լրագրողների հետ հարցազրույցում բախումն անվանել է «իսկապես անհավանական»։
Նրա խոսքով՝ համակարգչային խափանումը սկզբում կանգնեցրել է վեց գնացքի շարժը, այդ թվում՝ երկուսի, որոնք հետագայում բախվել են։
«Համակարգի խափանման դեպքում կառավարումն անցնում է դիսպետչերական կենտրոնին», — ասել է Պուենտեն՝ հավելելով, որ հենց այդ կենտրոնն է որոշում կայացրել թույլատրել վերսկսել գնացքների երթեւեկությունը՝ առանց արագության որեւէ սահմանափակման:
Ըստ նախարարի՝ այդ որոշումը կայացվել է «անհասկանալի հանգամանքներում»։ Արդյունքում Renfe ընկերության գնացքը բախվել է Iryo ընկերության գնացքին, որը մի փոքր ավելի հեռու է կանգնած եղել։
