Ուկրաինայի նախագահը մեկնաբանել է Դոնալդ Թրամփի որոշումը, հայտնել, որ ռուսական ուժերը հենց այս գիշեր ամենաուժեղ հարվածներից մեկն են հասցրել Ուկրաինայի էներգետիկ ենթակառուցվածքներին՝ թիրախավորելով էլեկտրաէներգիայի արտադրության և փոխանցման ավելի քան 15 օբյեկտ:
Ժիտոմիրի մարզում հարյուր հազարավոր սպառողներ մնացել են առանց էլեկտրականության, Վիննիցա քաղաքում էլեկտրամատակարարումն ընդհատվել է։ Ուկրաինայի ամբողջ տարածքում պարբերաբար անջատումներ են գրանցվում։
«Եվ այս ֆոնին Ամերիկայում, ցավոք, որոշում կայացվեց՝ լիովին անտեսել Լինդսի Գրեմի օրենքը, որը պետք է զգալի ճնշում գործադրեր Ռուսաստանի վրա՝ պատերազմին վերջ դնելու համար»,- նշել է Վոլոդիմիր Զելենսկին։ Նրա խոսքով՝ նման որոշումները քաջալերում են Վլադիմիր Պուտինին՝ շարունակել հարձակումները։
Ավելի վաղ Զելենսկին քննադատել էր նաև Մոսկվայի և Վաշինգտոնի համաձայնեցրած դիզելային գործարքը, ըստ որի՝ Մոսկվան պետք է դիզելային վառելիքի մի քանի խմբաքանակ մատակարարի համաշխարհային շուկաներ։
