Ուկրաինան շահագրգռված չէ առանց Ռուսաստանի ներկայության մասնակցել «Քսանի խմբի» հանդիպմանը, հայտարարել է Ուկրաինայի Գերագույն ռադայում իշխող «Ժողովրդի ծառա» խմբակցության ղեկավար Դավիթ Արախամիան։
«Մենք համաձայն չենք պարզապես նստել G20-ի հանդիպմանը՝ առանց ռուսների։ Կարծում եմ՝ կարևոր է, որ Ռուսաստանը ներկա լինի», - ասել է նա։
Արախամիան հավելել է, որ Ուկրաինան աշխատում է G20-ի շրջանակներում եռակողմ գագաթնաժողովի կազմակերպման ուղղությամբ։ Նրա խոսքով՝ երեք կողմերից երկուսն արդեն համաձայնել են նման հանդիպման, սակայն այն կազմակերպելու համար դեռ անհրաժեշտ է համապատասխան հող նախապատրաստել։
G20-ի առաջիկա գագաթնաժողովը նախատեսված է դեկտեմբերի 14-15-ին՝ ԱՄՆ-ում։
