Ես ուզում եմ, որ մենք մեկընդմիշտ արձանագրենք, որ ՀԱՊԿ-ի հետ կապված մեր հետաքրքրությունները սպառված են, մենք այլևս հետաքրքրություն չունենք ՀԱՊԿ-ի հետ կապված։
Այդ մասին Կառավարության նիստից հետո լրագրողների հետ ճեպազրույցում ասաց վարչապետ Նիկոլ Փաշինյանը՝ լրագրողի խնդրանքով արձագանքելով ՀԱՊԿ գլխավոր քարտուղարի հայտարարությանը, որ Հայաստանին ՀԱՊԿ-ից հեռացնելու հարց չի քննարկվի, սակայն հնարավոր է՝ Հայաստանի նկատմամբ կիրառվի կանոնադրության 25-րդ հոդվածը, որն ասում է, որ երկիրը կարող է զրկվել քվոտային կարգով ՀԱՊԿ պաշտոններում իր թեկնածուներին առաջադրելու իրավունքից, ինչպես նաև ձայնի իրավունքից այնքան ժամանակ, քանի դեռ չի վճարել անդամավճարներից գոյացած պարտքը։
