Անհատ ձեռնարկատեր Վալերիկ Բալասանյանին պատկանող հացաբուլկեղենի արտադրամասի արտադրական գործունեությունը կասեցվել է (Արմավիրի մարզ, գ․ Ծաղկունք, Չարենցի փողոց 4): Այս մասին տեղեկացնում են ՍԱՏՄ-ից:
Տեսչական մարմնի ղեկավարի այդ որոշման հիմքը տեսուչների կողմից արձանագրված սանիտարահիգիենիկ բնույթի խախտումներն են: Այսպես՝
- արտադրական շինությունների պատերի մակերևույթները պատրաստված չեն եղել անջրանցիկ, լվացվող, ախտահանվող նյութերից, որոշ հատվածներ եղել են վնասված,
- առաստաղները ապահով չեն եղել, ինչը չի կանխարգելում կեղտի կուտակումը և առաստաղից մասնիկների թափվելու հնարավորությունը,
- բացվող ներքին պատուհանները չեն ունեցել միջատապաշտպան ցանցեր,
- սննդամթերքի հետ անմիջական շփման մեջ գտնվող տեխնոլոգիական սարքավորումների, հումքի մշակման սեղանի աշխատանքային մակերևույթները պատրաստված չեն եղել չներծծող նյութերից։
Տնտեսվարողին հանձնարարվել է ձեռնարկել անհրաժեշտ միջոցներ և հացաբուլկեղենի արտադրամասը համապատասխանեցնել Մաքսային միության տեխնիկական կանոնակարգով սահմանված պահանջներին:
Խախտումների վերացման համար սահմանվել է ժամկետ:
