Մոլդովան այլևս բնական գազ չի գնում Ռուսաստանից և շարունակում է ամրապնդել Մոսկվայից իր էներգետիկ անկախությունը։ Այս մասին հայտարարել է նախագահ Մայա Սանդուն՝ Մոլդովան Ռումինիայի և եվրոպական էներգետիկ ցանցի հետ կապող նոր էլեկտրահաղորդման գծի գործարկման ֆոնին։ Այս մասին հաղորդում է RBC-Ukraine-ը՝ հղում անելով Х-ում Սանդուի գրառմանը։
Մոլդովայի նախագահի խոսքով՝ երկիրն ապագայում նախատեսում է ընդլայնել Եվրոպայից էլեկտրաէներգիա ներմուծելու իր հզորությունները։ «Մոլդովան ընդհանրապես ռուսական գազ չի գնում, և Ռումինիա տանող ևս երկու էլեկտրահաղորդման գիծ է կառուցվում»,- գրել է նա։
Սանդուն նաև նշել է, որ Մոսկվան տասնամյակներ շարունակ էներգիան օգտագործել է շանտաժի համար։
Նոյեմբերի 8-ին Մոլդովայում պաշտոնապես բացվեց Վուլկանեշտի-Քիշնև բարձրավոլտ էլեկտրահաղորդման գիծը։ Մոտ 157 կմ երկարությամբ գիծը երկրի հարավային մասը կապում է մայրաքաղաքի հետ և լրացուցիչ երթուղի է ապահովում Ռումինիայից և եվրոպական էներգահամակարգից էլեկտրաէներգիա մատակարարելու համար:
