Տագանրոգի նավահանգստում ուկրաինական դրոնների հարվածի հետևանքով հրդեհվել են լցանավն ու վառելիքով լի ջրամբարները, ինչպես նաև վարչական շենքը՝ հայտնել է Ռոստովի մարզի ղեկավար Յուրի Սլյուսարը: Նրա տվյալով՝ մարդիկ չեն տուժել։
Իր հերթին Տագանրոգի քաղաքապետ Սվետլանա Կամբուլովան հայտնել է, որ նավահանգստում վնասվել են նավամատույցի բեռնման ենթակառուցվածքը և վարչական շենքը: Հրդեհը մարվել է, նավթի արտահոսք չկա։
Քաղաքապետի խոսքով՝ Տագանրոգում անօդաչուի բեկորների՝ մասնավոր տուն ընկնելու հետևանքով տուժել են մի տղամարդ և մի կին։
Դրոնները հարվածներ են հասցրել նաև Ռոստովի մարզի Արմավիր քաղաքի նավթաբազային, որը պատկանում է Հարավային նավթային ընկերությանը: Հրդեհ է բռնկվել, մարդիկ չեն տուժել:
