Ոստիկանություն զանգահարած քաղաքացին զենք-զինամթերք էր թողել Աշտարակի հարակից ձորակում
Փետրվարի 23-ին ՆԳՆ օպերատիվ կառավարման կենտրոն զանգահարած քաղաքացին հայտնել էր, որ Աշտարակ քաղաքի հարակից ձորակում զենք-զինամթերք է թողել:
Համայնքային ոստիկանության Աշտարակի բաժնի ծառայողները, Արագածոտնի մարզի պարեկներն ու քննիչները նշված վայրում հայտնաբերել են ատրճանակ, որսորդական հրացան, «Ֆ-1» տիպի 2 նռնակ՝ պայթուցիչներով և ինքնաձիգի 147 փամփուշտ։
Ոստիկանությունը հորդորում է ապօրինի զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար։
