Քրեական ոստիկանության Կոտայքի մարզային վարչության ծառայողները ձեռնարկած օպերատիվ-հետախուզական միջոցառումների արդյունքում հոկտեմբերի 20-ին Երևանի Բագրատունյաց պողոտայի հասցեներից մեկի մոտ հայտնաբերել, ապօրինի թմրանյութ ձեռք բերելու, պահելու և իրացնելու կասկածանքով ձերբակալել և Համայնքային ոստիկանության Շենգավիթի բաժին են տեղափոխել 34-ամյա մի երիտասարդի: Այս մասին հայտնել է ՆԳՆ ոստիկանությունը:
Երիտասարդի անձնական խուզարկությամբ հայտնաբերվել են «կրիստալ» տեսակի թմրանյութի նմանվող զանգվածով 9 փաթեթ՝ ընդհանուր 11,30 գրամ քաշով, և տելեգրամյան ալիքների հասցեների գրառմամբ թղթեր։
Երևանի բնակիչ 34-ամյա երիտասարդը կազմված փաստաթղթերի հետ ներկայացվել է նախաքննական մարմին: Նախաձեռնվել է քրեական վարույթ: Երիտասարդը ձերբակալվել և տեղափոխվել է ձերբակալվածների պահման վայր:
Կատարվում է նախաքննություն:
