ՀՀ էկոնոմիկայի նախարարությունում մայիսի 16-ին կայացել է կառուցապատողների աշխատանքային խմբի հանդիպում, որը վարել է աշխատանքային խմբի ղեկավար, էկոնոմիկայի նախարար Գևորգ Պապոյանը։ Այդ մասին հայտնում են ՀՀ էկոնոմիկայի նախարարությունից:
Հանդիպմանը մասնակցել են նաև նախարարի տեղակալ Էդգար Զաքարյանը, «Հայաստանի շինարարների միություն» ՀԿ նախագահ Վահան Հարությունյանը, շահագրգիռ այլ մարմինների ներկայացուցիչներ։
Հանդիպման ընթացքում քննարկվել են պետություն-մասնավոր համագործակցություն համատեքստում ՀՀ անշարժ գույքի միջազգայնացմանն ուղղված գործիքների կիրառմանը, պետական մարմիններում գանգատարկման հանձնաժողովների ձևավորման կամ ներդրման անհրաժեշտությանը, կառուցապատող ընկերությունների սնանկության վարույթի առանձնահատկություններին և այս ուղղությամբ հայեցակարգի ընդունման անհրաժեշտությանը վերաբերող հարցեր։
Անդրադարձ է կատարվել նաև կառուցապատման ոլորտին առնչվող մի շարք այլ թեմաների։
