Երևանի ընդհանուր իրավասության դատարանը նոյեմբերի 9-ի լույս 10-ի գիշերը տեղի ունեցած զանգվածային անկարգությունների ժամանակ Արարատ Միրզոյանի նկատմամբ բռնություն գործադրելու փորձի գործով 3 տարի 6 ամիս ազատազրկման է դատապարտել Արա Բադոյանին:
Դատարանից «Լուրերին» տեղեկացրել են, որ հաշվի առնելով անձի անազատության մեջ գտնվելու հանգամանքը, որոշվել է ազատության մեջ գտնվելու օրերը հաշվակցել նշանակված պատժին:
Մեղադրյալը փաստացի անազատության մեջ կանցկացնի 1 տարի 11 ամիս 23 օր:
Գլխավոր դատախազությունից էլ «Լուրերին» հայտնել են, որ բողոքարկելու են դատավճիռը:
Հիշեցնենք, ըստ մեղադրանքի՝ Արա Բադոյանը, նոյեմբերի 9-ի գիշերը, ճեղքելով Արարատ Միրզոյանին շրջապատած անձանց շարքերը, մոտեցել է գետնին ընկած այդ ժամանակ ԱԺ նախագահ Միրզոյանին, և նրան հարվածելու ուղղակի դիտավորությամբ ոտքը կտրուկ շարժել է նրա ուղղությամբ, սակայն իր կամքից անկախ հանգամանքներով չի կարողացել ավարտին հասցնել հանցագործությունը, քանի որ ներկաները գետնից բարձրացրել են արդեն իսկ անգիտակից վիճակում գտնվող Արարատ Միրզոյանին և նրան տեղափոխել հիվանդանոց։
