Քրեական ոստիկանությունն իր նոր կառուցվածքով իրականացնում է ծանր և առանձնապես ծանր հանցագործությունների բացահայտման, կանխարգելման և հետախուզվողների հայտնաբերման օպերատիվ-հետախուզական գործունեություն: Այդ մասին, Ոստիկանության օրվա նախաշեմին, հաղորդագրություն է տարածել ՆԳՆ ոստիկանությունը։
Ստորաբաժանումում գործում են ոլորտային առանձին ենթաստորաբաժանումներ՝ թմրամիջոցների ապօրինի շրջանառության, թրաֆիքինգի, կիբեռհանցավորության դեմ պայքարի և այլ ուղղություններով։
Ծառայությունը համալրված է քրեաբանական ուսումնասիրությունների համար նախատեսված ծրագրային համակարգերով, թվային տեխնոլոգիաներով:
ՔՈ գլխավոր վարչության անմիջական ենթակայությամբ մայրաքաղաքում և մարզերում գործում են տարածքային ստորաբաժանումներ։
