Գերմանիայի արտաքին գործերի նախարար Անալենա Բերբոքը խոստացել է ավելի մեծ ճնշում գործադրել Վաշինգտոնի վրա, որպեսզի ամերիկյան կողմը բախվի իր քաղաքականության հետևանքներին:
«Մենք կմեծացնենք ճնշումը ամերիկացիների վրա, որպեսզի նրանք հասկանան, որ շատ բան կկորցնեն, եթե դադարեն աջակցել Եվրոպայի լիբերալ ժողովրդավարություններին»,- նշել է Բերբոքը, հավելել՝ ոչ ոք իրավունք չունի պատերազմի և խաղաղության մասին որոշումներ կայացնել՝ շրջանցելով Ուկրաինան կամ Եվրոպան: Բերբոքի խոսքով՝ դա Գերմանիայի հստակ դիրքորոշումն է:
Նա կարծիք է հայտնել, որ անհրաժեշտ է նոր «բեկումնային պահ», ինչպես երեք տարի առաջ, երբ Ուկրաինայում սկսվեցին ռազմական գործողությունները։
«Շինծու խաղաղությունը, որը շանտաժ կամ կապիտուլյացիա է, խաղաղություն չէ: Ընդհակառակը, դա է՛լ ավելի մեծ պատերազմի ու հետագա բռնության նախապատրաստություն է»,- ասել է Գերմանիայի ԱԳ նախարարը:
