Բասկետբոլի Հայաստանի ֆեդերացիան հայտ է ներկայացրել մասնակցելու բասկետբոլի 2027 թ․ աշխարհի առաջնության նախընտրական փուլին: Վիճակահանությունը կկայանա օգոստոսի 8-ին, Մյունխենում:
2027 թ․ առաջնության ընտրական փուլը կմեկնարկի 2024 թվականի փետրվարին։ Հայտնի է անգամ առաջին փուլի խաղերի ժամանակացույցը: Դրանք տեղի կունենան 2024 թ․ փետրվարի 19-ից մինչև 2025 թ․ փետրվարի 25-ը։
Երկրորդ փուլ անցնելու դեպքում հավաքականները պայքարը կշարունակեն 2025 թ․ հունիսին։ Հայաստանի հավաքականը նախորդ տարի դարձել է Եվրոպայի փոքր երկրների առաջնության հաղթող:
