Նոյեմբերի 3–12-ը Հունաստանի Կրետե կղզում անցկացվում է 2026 թվականի շախմատի Եվրոպայի 8–18 տարեկան պատանիների և աղջիկների առաջնությունը։
Հայաստանը ներկայացնում են 58 շախմատիստ։ Այդ մասին հայտնում է Հայաստանի շախմատի ֆեդերացիան։
Չորս խաղափուլից հետո 4 միավոր ունեն Տիգրան Համբարձումյանը (մինչև 14 տարեկան պատանիներ), Նարե Իսախանյանը (մինչև 12 տարեկան աղջիկներ) և Սոֆիա Բաղրամյանը (մինչև 10 տարեկան աղջիկներ)։
Վահե Սուքիասյանը (մինչև 18 տարեկան պատանիներ), Սոնա Կրկյաշարյանը (մինչև 16 տարեկան աղջիկներ), Մոնթե Ավետիսյանը (մինչև 8 տարեկան պատանիներ), Ռաֆայել Զաքարյանը (մինչև 8 տարեկան պատանիներ) և Մարկ Ադամյանը (մինչև 8 տարեկան պատանիներ) ունեն 3,5 միավոր։
5-րդ խաղափուլը կմեկնարկի նոյեմբերի 7-ին՝ Հայաստանի ժամանակով 17։00-ին։
