Ֆեյսբուքի «Կանանց անկյուն» խմբում մի օգտատեր սուտ տեղեկություն էր տարածել այն մասին, իբր, իր հարազատ զինծառայողը կորոնավիրուսից մահացել է Ստեփանակերտում:
Ֆեյսբուքում դրան անդրադարձել է ՊՆ մամուլի խոսնակ Շուշան Ստեփանյանը՝ հետևյալ գրառմամբ.
«ՍՈւՏ է... ամենայն հավանականությամբ, ադրբեջանական հաքերները հայկական օգտահաշիվների միջոցով միտումնավոր ապատեղեկատվություն են տարածում հայկական խմբերում: Խնդրում եմ, խուճապ հարուցող և ապատեղեկատվություն տարածող նմանատիպ գրառումներ նկատելիս տեղեկացնել խմբի ադմիններին և, իհարկե, ակտիվ հակամեկնաբանել...հետևեք պաշտոնական լրահոսին, մի՛ տրվեք սադրանքներին... մեր զինվորները պինդ են ու առողջ»:
