Գո՞հ եմ արդյոք Սուրեն Պապիկյանի աշխատանքից․ այո՛։ Գիտե՞ք՝ ինչու, որովհետև ձեր իշխանության թողած «նիկանդիցիոննի» բանակով, ըստ էության, սպառված զինատեսակներով, բանակը հիմա այնպիսին է, ինչպիսին մենք ունենք և տեսել ենք մայիսի 28-ին Հանրապետության հրապարակում։ Այդ մասին ԱԺ-Կառավարություն հարցուպատասխանի ժամանակ ասաց վարչապետ Նիկոլ Փաշինյանը՝ պատասխանելով «Ուժեղ Հայաստան» խմբակցության պատգամավոր Անուշ Միրզոյանի հարցին:
«Օրինակ՝ «Պաշտպան հայրենյաց» ծրագիր կա, որով հազարավոր երիտասարդներ այսօր պայմանագրային զինծառայություն են իրականացնում և ոչ միայն անվտանգային խնդիր են լուծում, այլև շատ լայն սոցիալական հարցեր են կարգավորվում։
Այո՛, որովհետև, ինչպես մյուս ընդդիմադիր ներկայացուցիչը նշեց, Հայաստանի բանակի կերպափոխման ռազմավարություն է ընդունվել և իրականացվում, և այլն, և այդպես շարունակ։
Մեր աշխատանքը կատարյալ չէ, և մեր աշխատանքում կան բազմաթիվ բացեր և թերություններ, և մենք, իհարկե, շարունակաբար աշխատում ենք այդ բացերի և թերությունների վրա՝ այդ թվում ամեն դեպքի համար տալով կոնկրետ լուծումներ»,- նշեց վարչապետը։
