Ուկրաինայի նախագահ Վոլոդիմիր Զելենսկին շնորհակալություն է հայտնել Վաշինգտոնին, որը հավանություն է տվել Ուկրաինային Patriot համակարգերի 500 հրթիռի մատակարարմանը։ Պետքարտուղարությունը նշել է, որ դրանց գինը կկազմի 2,1 միլիարդ դոլար․ ամբողջ գումարը կհատկացնեն Եվրոպան և Կանադան։
Միևնույն ժամանակ Զելենսկին նշել է, որ մատակարարումները կարող են սկսվել տարիներ հետո։ Նա կոչ է արել դաշնակից երկրներին Կիևին տրամադրել իրենց պահեստներում առկա Patriot հրթիռները, իսկ հետագայում իրենց զինանոցները համալրել այս մատակարարումների հաշվին։
