Ուկրաինայի Գերագույն ռադայի մարդու իրավունքների հարցերով հանձնակատար Դմիտրի Լուբինեցը հայտարարել է, որ Խերսոնի մարզի Օլեշկի քաղաքում, որը ռուսական կողմի վերահսկողության տակ է, պահպանվում է հրադադարը: Կրակի դադարեցման մասին պայմանավորվածությունները կատարվում են ամբողջ ծավալով: Հրադադարը կշարունակվի մինչև նոյեմբերի 1-ը:
Ռուսաստանի մարդու իրավունքների հանձնակատար Յանա Լանտրատովան ևս հաստատել է հրադադարի ռեժիմի պահպանումը:
ՌԴ նախագահի մամուլի քարտուղար Դմիտրի Պեսկովն ավելի վաղ հայտարարել էր, որ Օլեշկիում հրադադարի վերաբերյալ համաձայնության կատարումն ընթանում է ըստ ծրագրի:
