Պանամայի ափերի մոտ 8,0 մագնիտուդով երկրաշարժ է գրանցվել

Պանամայի Խաղաղօվկիանոսյան ափերի մոտ 8,0 մագնիտուդով երկրաշարժ է գրանցվել։ Այս մասին հայտնում է ԱՄՆ Երկրաբանական ծառայությունը։

Տվյալների համաձայն՝ երկրաշարժի օջախը եղել է 33 կմ խորության վրա, իսկ էպիկենտրոնը՝ Պիտալոս Արիբա բնակավայրից 14 կմ հարավ-արևմուտք։

Ավելի վաղ GlobalQuake մոնիթորինգային համակարգը հայտնել էր հնարավոր ուժեղ երկրաշարժի մասին՝ նախնական մագնիտուդը գնահատելով 7,9–8,0։

Նախնական հաղորդագրություններում էպիկենտրոնի տեղադրության վերաբերյալ տվյալները տարբերվել են։