Բըրնհեմը բացառել է Մեծ Բրիտանիայում արտահերթ խորհրդարանական ընտրությունների հնարավորությունը
Միացյալ Թագավորության վարչապետ Էնդի Բըրնհեմը բացառել է երկրում արտահերթ խորհրդարանական ընտրությունների անցկացման հնարավորությունը:
«Մարդիկ ուզում են, որ ես, վերջերս ստանձնած լինելով պաշտոնը, զբաղվեմ իմ աշխատանքով և կատարեմ տրված խոստումները, այլ ոչ թե շահադիտական քաղաքական շահերն ամեն ինչից վեր դասեմ. դա ես կանեի, եթե հայտարարեի ընտրությունների մասին»,- նշել է Բըրնհեմը:
Նա ընդգծել է, որ Մեծ Բրիտանիան կողմ է քվեարկել Լեյբորիստական կուսակցության ծրագրին 2024 թվականի ընտրություններում, և այժմ կառավարությունը պետք է կենտրոնանա ընտրողներին տրված խոստումների կատարման վրա:
Բըրնհեմը վարչապետի պաշտոնը ստանձնել է 2026 թվականի հուլիսի 20-ին:
Օրեր առաջ YouGov ընկերության կողմից անցկացված հարցումը ցույց է տվել, որ արտահերթ ընտրությունների դեպքում Լեյբորիստները ամենաշատ ձայները կստանան, սակայն նրանց չի բավականացնի 85 տեղ խորհրդարանական մեծամասնություն ստանալու համար:
Դիտումներ142
