Թուրքիան գոհունակությամբ է ընդունում Հայաստանի և Ադրբեջանի միջև խաղաղության հաստատման ջանքերը. Գյուլեր
Թուրքիան գոհունակությամբ է ընդունում նախորդ տարի Հայաստանի և Ադրբեջանի միջև խաղաղության համաձայնագրի նախաստորագրումը և երկու երկրների միջև խաղաղության հաստատման ուղղությամբ ձեռնարկված դրական քայլերը՝ հայտարարել է Թուրքիայի պաշտպանության նախարար Յաշար Գյուլերը «Թուրքիա-Ադրբեջան բարեկամության և համագործակցության հիմնադրամի» կազմակերպած միջոցառմանը։
«Հույս ունենք, որ րոպե առաջ կհաստատվի համապարփակ ու մնայուն խաղաղություն»,- Ermenihaber-ի փոխանցմամբ՝ նշել է նա՝ աջակցություն հայտնելով գործընթացի ավարտին ուղղված այն ջանքերին, որոնց արդյունքում կամրապնդվի կայուն խաղաղություն՝ ի նպաստ տարածաշրջանի բոլոր ժողովուրդների խաղաղության ու բարօրության:
«Կովկասը ոչ թե հակամարտությունների, այլ համագործակցության, զարգացման ու բարօրության կարիք ունի»,- հայտարարել է Գյուլերը:
Նրա խոսքով՝ Թուրքիայի ու Ադրբեջանի ամուր համերաշխությունը ևս այդ նոր շրջանի կարևորագույն երաշխիքներից մեկն է։
