Հայկ Մարտիրոսյանը և Ռոբերտ Հովհաննիսյանը կիսել են 1-2-րդ հորիզոնականները Dole Open 2026 շախմատի մրցաշարում
Հայաստանի շախմատի տղամարդկանց հավաքականի անդամներ Հայկ Մարտիրոսյանը և Ռոբերտ Հովհաննիսյանը կիսել են 1-2-րդ հորիզոնականները Dole Open 2026 շախմատի միջազգային մրցաշարում: Այդ մասին ասված է Շախմատի ֆեդերացիայի ֆեյսբուքի էջում։
«Հայկը և Ռոբերտը մրցաշարում չեն կրել ոչ մի պարտություն և 9 հնարավորից վաստակել են 7.5 միավոր։
Շնորհավորում ենք մեր շախմատիստներին՝ մաղթելով նոր հաջողություններ»,- նշված է գրառման մեջ։
