ԱՄՆ նախագահի բանագնացը հայտարարել է, որ առաջիկայում Գրենլանդիան կարող է դառնալ ԱՄՆ 51-րդ նահանգը
Դոնալդ Թրամփի բանագնաց Ջեֆ Լենդրին հայտարարել է, որ առաջիկայում Գրենլանդիան կարող է դառնալ ԱՄՆ 51-րդ նահանգը:
ԱՄՆ նախագահը բազմիցս հայտարարել է Գրենլանդիայի ռազմավարական նշանակության մասին՝ չբացառելով, որ Միացյալ Նահանգները կարող է գրավել կղզին, որը Դանիայի Թագավորության մաս է: Ըստ ամերիկյան կողմի՝ Չինաստանն ու Ռուսաստանը փորձում են մեծացնել տարածաշրջանում ազդեցությունը:
Գրենլանդիայից արձագանքել են. «Մեր հողերի ապագան կորոշվի այստեղ՝ Գրենլանդիայում, և մենք դա ասել ենք հենց սկզբից: Չենք ցանկանում լինել ո՛չ ամերիկացիներ, ո՛չ դանիացիներ: Մենք գրենլանդացիներ ենք», - հայտարարել է կղզու արտգործնախարարը։
Նրա խոսքով՝ Վաշինգտոնից հնչող հայտարարությունները ոչ ոքի արդեն չեն զարմացնում, սակայն դա անհարգալից վերաբերմունքի դրսևորում է Գրենլանդիայի ժողովրդի և ամբողջ թագավորության նկատմամբ:
