Օվերչուկը՝ Հայաստան գազի մատակարարումների մասին
Հայաստանում գազի հետ կապված կարող է բարդ իրավիճակ ստեղծվել, Ռուսաստանը չի ցանկանում, որ նման բան տեղի ունենա՝ հայտարարել է Ռուսաստանի փոխվարչապետ Ալեքսեյ Օվերչուկը: «Նրանք պետք է նայեն քարտեզին և տեսնեն, թե որ խողովակաշարերն են դեռևս գործում: Եվ անմիջապես կտեսնեն, թե որտեղից են ստանալու ռուսական գազը՝ հաշվի առնելով 30% արտահանման մաքսատուրքը, դա կլինի շուկայական գինը: Հետևաբար, իրավիճակը Հայաստանում կբարդանա»,- հավելել է պաշտոնյան: Օվերչուկը հայտարարել է, թե Հայաստանը ռուսական գազից բացի այլ գազ երբեք չի ունենա:
Ավելի վաղ՝ Ռուսաստանի տնտեսական զարգացման նախարար Մաքսիմ Ռեշետնիկովը, մեկնաբանելով Հայաստանից Ռուսաստան որոշ ապրանքատեսակների, այդ թվում՝ գյուղատնտեսական մթերքների ներմուծման սահմանափակումը, նշել էր, թե գազի հետ կապված հարցերը շատ ավելի զգայուն կլինեն: Նա կրկնել էր, թե Երևանի ընտրած կուրսը կարող է խանգարել ԵԱՏՄ-ին Հայաստանի հետագա անդամակցությանը:
Մանրամասները՝ տեսաշարում:
