Ռեջեփ Թայիփ Էրդողանը Թյուրքական պետությունների կազմակերպության 13-րդ գագաթնաժողովում ունեցած ելույթի ժամանակ հայտարարել է, որ Անկարան շարունակելու է աջակցել Հարավային Կովկասում խաղաղության և կայունության ամրապնդմանը։
Թուրքիայի նախագահի խոսքով՝ խաղաղությունն ու կայունությունը Հարավային Կովկասում զգալի հնարավորություններ կստեղծեն ինչպես թյուրքական աշխարհի, այնպես էլ տարածաշրջանի երկրների համար։ «Մենք ողջունում ենք այն շփումները, որոնք մեր ադրբեջանցի եղբայրները հաստատել են Հայաստանի հետ, և վստահեցնում եմ, որ շարունակելու ենք նպաստել խաղաղության ամրապնդմանը»,– նշել է նա։
Էրդողանը հավելել է նաև, որ տարածաշրջանային հակամարտությունները ոչ մի կողմի օգուտ չեն բերում՝ միաժամանակ լուրջ հետևանքներ ունենալով համաշխարհային տնտեսության, առևտրի և էներգետիկ շուկաների համար։
Մանրամասները՝ տեսաշարում։
