Ուկրաինայի հակամարտության կարգավորման ամերիկյան ծրագրի շուրջ ուկրաինական պատվիրակության հետ ԱՄՆ նախագահի հատուկ բանագնաց Սթիվ Ուիթքոֆի և նահագահի փեսա Ջարեդ Քուշների բանակցությունների առաջին օրն ավարտվել է «զգալի առաջընթացով»՝ հայտարարել է Ուիթքոֆը:
Բեռլինում Զելենսկին, Ուիթքոֆը և Քուշները «խոր քննարկումներ են անցկացրել» 20 կետանոց խաղաղության ծրագրի, տնտեսական հարցերի և այլ թեմաների վերաբերյալ։
ԱՄՆ-ի և Ուկրաինայի պատվիրակությունների միջև Ուկրաինայում հնարավոր հրադադարի վերաբերյալ խորհրդակցությունները տևել են ավելի քան հինգ ժամ։ Գերմանիայի կանցլեր Ֆրիդրիխ Մերցը նույնպես ներկա է եղել քննարկումների մեկնարկին, բայց հետո, ըստ dpa-ի, լքել է հանդիպումը՝ թողնելով իր ներկայացուցչին։
Խորհրդակցությունները կշարունակվեն երկուշաբթի՝ դեկտեմբերի 15-ին: Երեկոյան բանակցություններին կմիանան եվրոպական պետությունների և կառավարությունների ղեկավարները, ինչպես նաև ԵՄ և ՆԱՏՕ-ի առաջնորդները՝ հաղորդել է AFP-ն:
