Սիրիայի անցումային կառավարությունը պաշտպանության ոլորտում օգնություն է խնդրել Թուրքիայից՝ երկրի հարավում դրուզների և բեդվինների միջև վերջերս տեղի ունեցած բախումներից և Իսրայելի կողմից հասցված հարվածներից հետո, հաղորդում է AP-ն՝ հղում անելով թուրք պաշտոնյաներին։
Գործակալության աղբյուրների փոխանցմամբ՝ Դամասկոսը նաև օգնություն է խնդրել «ահաբեկչական կազմակերպությունների», այդ թվում՝ «Իսլամական պետության» դեմ պայքարում։
Խոսքը վերաբերում է մարտիկների մարզումներին, ռազմական խորհրդականների օգնությանը և տեխնիկական աջակցությանը՝ Սիրիայի «պաշտպանական կարողություններն» ուժեղացնելու համար։
