Հայկական կողմը կարևորում է Շենճեն քաղաքի հետ տնտեսական կապերի խորացումը. Վահան Քերոբյան
Էկոնոմիկայի նախարար Վահան Քերոբյանը, վերջերս Չինաստան կատարած այցի շրջանակներում, հոկտեմբերի 20-ին հանդիպում է ունեցել Շենճենի փոխքաղաքապետ Վան Շոուրուիի հետ։ Այդ մասին հայտնում են էկոնոմիկայի նախարարությունից:
Հանդիպման ընթացքում Վահան Քերոբյանը նշել է, որ հայկական կողմը կարևորում է Շենճեն քաղաքի հետ տնտեսական կապերի խորացումը՝ հաշվի առնելով քաղաքի՝ աշխարհի տեխնոլոգիական կենտրոններից մեկը լինելու հանգամանքը։
Նախարարը Շենճենի փոխքաղաքապետին ներկայացրել է Հայաստանում «չոր նավահանգստի», տեխնոլոգիական և արդյունաբերական պարկերի ստեղծման ծրագրերը, այդ համատեքստում ընդգծելով չինական ընկերություններին մասնակից դարձնելու կարևորությունը։
