Aİ Sevan gölü ətrafında biomüxtəlifliyin qorunması və bərpasında Ermənistana dəstək verəcək

Beynəlxalq Bioloji Müxtəliflik Günü münasibətilə Aİ-nin Ermənistandakı Nümayəndəliyi Aİ-nin Sevan gölü ətrafında biomüxtəlifliyin qorunması və bərpasında Ermənistana dəstək verəcəyini elan edib.

“Sevan gölündə yeni EU4Biomüxtəliflik layihəsi ekosistemlərin bərpası tədbirlərinə töhfə verəcək, Sevan gölünün uzunmüddətli biomüxtəlifliyin qorunmasını və davamlı inkişafını təmin edəcək.

Layihə çərçivəsində Aİ həmçinin Ermənistan hökumətinə çirkab sularının təmizlənməsi üçün təbiətə əsaslanan həllərin təşviqində və COP17-yə hazırlıq çərçivəsində həyata keçirilən fəaliyyətlərdə dəstək verəcək”, - deyə bəyanatda bildirilir.