Ermənistan Respublikasının iqtisadiyyat naziri Gevorq Papoyan noyabrın 5-də Meksika Birləşmiş Ştatlarının Ermənistan Respublikasındakı fövqəladə və səlahiyyətli səfiri Eduardo Vilyeqas Mexiası qəbul edib.
İqtisadiyyat Nazirliyindən bildirilib ki, görüş zamanı iqtisadi əməkdaşlığın genişləndirilməsinə və ticarət-iqtisadi əlaqələrin fəallaşdırılmasına yönəlmiş bir sıra məsələlər müzakirə olunub.
Gevorq Papoyan iki ölkə arasında mövcud dostluq münasibətlərinin iqtisadi potensialının tam reallaşdırılmasının vacibliyini vurğulayıb.
Ticarətin genişləndirilməsi, ixrac və idxalın təşviqi, investisiyaların cəlb edilməsi və sənaye əməkdaşlığı imkanlarına toxunulub.
Həmçinin istehsal rejimləri, sənaye parklarının və zonalarının yaradılması və inkişafı ilə bağlı məsələlər, eləcə də qarşılıqlı maraq doğuran digər mövzular müzakirə olunub.
