Marko Rubio Donald Tramp administrasiyasından ayrılmaq niyyətində olduğuna dair mediada yayılan məlumatları təkzib edib.
"Mən həmişə prezident Trampın səlahiyyət müddətinin sonunadək onun administrasiyasında işləməyi planlaşdırmışam. Açığı, bu xəbərlərin haradan qaynaqlandığını bilmirəm", – deyə ABŞ dövlət katibi bildirib və işini sevdiyini vurğulayıb.
Jurnalistin 2028-ci il prezident seçkilərində namizədliyini irəli sürmək imkanını nəzərdən keçirib-keçirmədiyi barədə sualına Rubio cavab verməkdən çəkinib.
Daha əvvəl media ABŞ dövlət katibinin 2028-ci il prezident seçkilərinə hazırlaşmaq üçün Tramp administrasiyasından ayrılmaq imkanını nəzərdən keçirdiyini yazmışdı.
