Türkiyə prezidenti Rəcəb Tayyib Ərdoğan noyabrın 8-də Azərbaycana səfər etməyi planlaşdırdığını bildirib. O qeyd edib ki, səfər iki ölkə arasındakı münasibətlərdə zəruri addımların atılmasına imkan verəcək.
Ərdoğan Azərbaycan prezidenti İlham Əliyevlə artıq telefon danışıqları apardığını, həmçinin Türkiyənin kəşfiyyat rəhbərini və xarici işlər nazirini Bakıya göndərdiyini vurğulayıb.
Türkiyə ilə Azərbaycan arasında fikir ayrılıqları barədə xəbərləri şərh edən Ərdoğan iki ölkənin münasibətlərinin ənənəvi diplomatik əlaqələr çərçivəsindən kənara çıxdığını bildirib.
"Mən Azərbaycana kəşfiyyat rəhbərini və xarici işlər nazirini göndərmişəm. Telefon diplomatiyası həm birbaşa cənab Əliyevlə, həm də xanımlarımız arasında davam edir. Türkiyə ilə Azərbaycanın qardaşlığının aşa bilməyəcəyi heç bir maneə yoxdur", — deyə Ərdoğan bildirib.
