Baş nazir Nikol Paşinyan Avropa Komissiyasının genişlənmə və şərq qonşuluğu məsələləri üzrə baş direktorluğunun rəhbəri Gert Yan Koopmanın başçılıq etdiyi nümayəndə heyətini qəbul edib.
Baş nazir Ermənistan-Avropa İttifaqı münasibətlərinin ardıcıl inkişafını vacib sayıb və vurğulayıb ki, tərəflər tərəfdaşlığı bütün mümkün sahələrdə fəal şəkildə inkişaf etdirirlər. Nikol Paşinyan qeyd edib ki, Ermənistan Hökuməti nəqliyyat, energetika və rəqəmsallaşma sahələrində əlaqələrin dərinləşdirilməsi və genişləndirilməsində, eləcə də ümumi iqtisadi diversifikasiyanın və dayanıqlılığın gücləndirilməsində maraqlıdır. Ölkə rəhbəri bir daha erməni məhsullarının ixracının təşviqinə yönəlmiş Aİ dəstəyini, həmçinin erməni istehsalçıları və ixracatçıları üçün zəruri texniki imkanların inkişafı məqsədilə proqramların həyata keçirilməsini vurğulayıb.
Gert Yan Koopman qeyd edib ki, Aİ Ermənistan Hökumətinin iddialı islahatlar gündəmini alqışlayır və Ermənistanın dayanıqlı inkişafına töhfə verən bütün sahələrdə əməkdaşlığı genişləndirərək bu prosesə ardıcıl dəstək verməyə hazırdır.
Həmsöhbətlər Ermənistan-Aİ münasibətlərinin cari mərhələsinə, iqtisadi və sahəvi əməkdaşlığa, rəqəmsallaşma, energetika, infrastrukturun inkişafı və demokratik islahatlar istiqamətində görülən işlərə toxunublar.
Regional təhlükəsizlik və sabitlik, həmçinin regional nəqliyyat kommunikasiyalarının blokdan çıxarılması istiqamətində həyata keçirilən işlərlə bağlı məsələlər də müzakirə olunub.
