Ermənistanın Baş naziri Nikol Paşinyan Dublin Beynəlxalq və Avropa Məsələləri İnstitutunda (IIEA) ekspertlərlə görüşdü və onların suallarını cavablandıraraq Ermənistanın xarici siyasəti, Avrasiya İqtisadi Birliyinə (AİB) üzvlüyü və Rusiya ilə münasibətləri ilə bağlı suallarını cavablandırdı.
Ermənistanın AİB-ə üzvlüyü və Avropa Birliyi ilə münasibətlərinin dərinləşdirilməsi barədə danışan Paşinyan qeyd etdi ki, Ermənistan eyni zamanda hər iki strukturun üzvü ola bilməz.
"Ermənistan eyni zamanda AİB və Aİ-nin üzvü ola bilməz".
Paşinyan xatırladıb ki, AİB liderlərindən biri bir vaxtlar Ermənistanın AİB-dən başqa gedəcək yeri olmadığını açıq şəkildə bildirib. Baş nazirin sözlərinə görə, bu açıqlama müəyyən siyasi proseslərə səbəb olub.
Rusiya ilə münasibətlərə toxunan Paşinyan vurğulayıb ki, Ermənistanın məqsədi Moskva ilə münasibətləri pisləşdirmək deyil.
O, həmçinin dekabr ayında danışıqlar üçün Rusiyaya üç səfər etməyi planlaşdırdığını açıqlayıb.
"Danışıqlar aparmaq üçün 3, 11 və 22 dekabr tarixlərində Rusiyaya səfər edəcəyəm və ümid edirəm ki, Rusiya ilə münasibətlərimizdə dostluq atmosferini qoruyub saxlaya biləcəyik".
