Բերբոքը Ադրբեջանին կոչ է արել անհապաղ դադարեցնել ռազմական գործողությունները Լեռնային Ղարաբաղում
Գերմանիայի արտաքին գործերի նախարար Աննալենա Բերբոքն Ադրբեջանին կոչ է արել անհապաղ դադարեցնել ռազմական գործողությունները Լեռնային Ղարաբաղում և նստել բանակցությունների սեղանի շուրջ:
Գլխավոր խնդիրը, նրա խոսքով, Լեռնային Ղարաբաղի խաղաղ բնակիչների պաշտպանությունն է, ինչը նաև այնտեղ տեղակայված ռուս խաղաղապահների խնդիրն է:
Նախարարը պարզաբանել է, որ Գերմանիայի կառավարությունն աջակցում է Եվրամիության ղեկավարության ներքո անցկացվող բանակցություններին: «Հաշվի առնելով այսօրվա սրացումը՝ դա ավելի հրատապ է, քան երբևէ: Վերջին մի քանի օրերին ապաէսկալացիայի շուրջ ինտենսիվ քննարկումներ են ընթացել ԵՄ-ի, ԱՄՆ-ի, Հայաստանի և Ադրբեջանի միջև։ Ռազմական գործողություններից զերծ մնալու Բաքվի խոստումը խախտվել է»,- նշել է Բերբոքը X-ի (նախկին Twitter-ի) իր միկրոբլոգում:
